Real Property Tax ordinance sa Cebu City i-update
CEBU, Philippines — Usa sa target karon ni Cebu City North District Councilor Noel Wenceslao mao ang pag-revise sa gitawag nga real property tax ordinance.
Base sa taho sa Cebu City Public Information Office, sukad niadtong 2006 wala gyud na-update ang property tax ordinance.
Base sa Local Government Code matag tulo ka tuig gikinahanglan kini nga i-update.
“Mag -expect ta modako ang revenue. It is necessary na gyud mao na bitaw nga real property tax ordinance ato nang tan-awon.
Hinuon giklaro sa konsehal nga himoong balanse ang pag-update niini aron dili motiyabaw ang mga negosyante.
“Tan-awon sad nato kon mo-raise ta sa revenue, dili sad dako ang impact sa mga stakeholders nga dili sad kaayo sakit nila. Gikan pa gyud ta sa pandemic, apil nang bagyo, mao ato nang i-balanse,” dugang pa sa konsehal.
Lakip sa susihon og balik mao ang regulatory fees, sama sa garbage fee nga matud pa wala pa ma-update alang sa pagbahig niini sa commercial ug sa residential.
“Number two, kanang mga permits—building permit, tax declaration, fencing permits. Pero atong i-base on tax sa highly urbanized city,” dugang pa ni Wenceslao.
Ang maong senaryo kay makahatag og igong pundo sa panudlanan sa Dakbayan.
Target nga huptan sa konsehal mao ang komitiba sa budget and finance. — IBM (BANATNEWS)
- Latest