Gullas nakasulod na og balik sa buhatan sa bise mayor
CEBU, Philippines — Nakabalik na sa pagsulod si Mayor Gerald Anthony “Samsam” Gullas, Jr. diha sa buhatan sa bise mayor sa Dakbayan sa Talisay.
Kini human si Bise Mayor Richard Francis “Choy” Aznar niasumir na isip bag-ong bise mayor.
Matud ni Aznar nga na-inventory ra ang mga butang diha sa sulod sa buhatan sa bise mayor sa taga General Services Office (GSO). Giingong ang nahisgotang mga butang adunay mga naguba apan agi pa kini sa bagyong Odette.
Si Gullas nagkanayon nga wala na siya makahinumdom kanos-a siya kataposan nga nakasulod sa buhatan sa bise mayor.
Kini dihang si kanhi bise mayor Alan Bucao niatbang kaniya isip mayor sa siyudad sa niaging piniliay.
“I don’t remember. But let’s focus on the present. Right now I am very excited of what this council can offer Talisaynons”, matud ni Gullas.
Asoy pa niya nga nalipay siya nga karong panahona mao ang paghunong sa pagpangampanya ug pamulitika ug magsugod na sa pagseebisyo.
“I’m happy because this is the part when we stop campaigning and politicking. And now we start governing and serving”, dugang ni Gullas. — /BDB (BANAT NEWS)
- Latest