Rama nanawagan og panaghiusa sa tanan
CEBU, Philippines — Kahiusahan kini maoy panawagan ni Cebu City Mayor Michael Rama sa mga kaubanan niini sa Kagamhanan sa siyudad ingon man sa katawhan sa dakbayan human kini makapanumpa sa katungdanan kagahapong adlawa.
Sa atubangan nga bahin sa Cebu City Hall gipahigaon ang inagurasyon sa mga opisyales sa Cebu City Government nga gitambungan sa mga supporters, pamilya ug mga dagkong tawo nga misuporta sa mga midaog nga kandidato.
Si Court of Appeal of Associate Justice Jacinto Fajardo Jr. maoy nangulo sa pagpanumpa ni Mayor Rama samtang ang Mayor mayor nagpapanumpa nila ni Vice Mayor Raymond Alvin Garcia ug sa mga konsehal sa Cebu City South ug North District.
Sa maong kalihukan mitambong sila si Konsehal Nestor Archival ug Konsehal Joy Augustus Young sa Bando Osmeña Pundok Kauswagan (BOPK) apan wala sila si Konsehal Mary Ann delos Santod ug Konsehal Jose Abellanosa.
Apan sa wala pa gipahigayon ang oath taking ceremony usa ka Santos nga Misa nga gipangunahan ni Cebu Archbishop Jose Palma.
Sa mensahe ni Rama, kini miingon sinugdanan kini sa bag-ong panaw sa siyudad dungan sa panaad ang kalambuan sa Cebu City nga mahimong ‘second to none.’
Mokooperar
Samtang gipasalig sa mga oposisyon nga miyembro sa Konseho nga mokooperar sa administrasyon ni Rama.
Si Rama nanawagan kini sa mga dili niya ka partido nga ipadaplin lang una ang politika ug maghiusa alang sa pag-alagad sa katawhan.
"Pahangyoa ko , tabangi intawn ko ninyo," matud pa sa mayor. Human kang Rama , gisundan dayon kini sa pagpanumpa sa mga konsehal.
Nisalmot sa oath taking ang miyembro sa oposisyon nga sakop sa Bando Osmeña Pundok Kauswagan nga sila si Konsehal Nestor Archival ug Konsehal Joy Young.
Si Archival kinsa magsilbi nga minority floor leader, nitataw kini nga alang sa kaayohan sa katawhan, mokooperar gyud sila sa mga programa sa siyudad.
Nagkanayon ang konsehal nga ang partido para lang sa panahon ra sa eleksyon , apan sa ilang paglingkod na isip mga konsehal, pagpangalagad sa katawhan na ang ilang tutokan.
Nisaksi usab sa oath taking sa mga opisyales kagahapon mao ang ex-officio members sa konseho nga nailhan pud nga sakop sa BOPK nga sila si Liga Ng Mga Barangay -Cebu City Chapter President Franklyn Ong ug Sangguniang Kabataan Federation President Jessica Resch .
Sa pakighinabi ni Resch sa mga tigbalita, nitataw kini nga bisan dili siya kapartido ni Rama, maayo gyud ang relasyon sa SKF sukad pa kaniadto ngadto sa kasamtangang administrasyon.
Nagpasalamat
Nagpasalamat sab ang duha ka konsehal nga silang Dave Tumulak ug Alvin Dizon sa katapusang session sa Konseho niadtong adlaw’ng Miyerkules. Ang duha parehong naa na sa katapusang termino. Si Tumulak mikandidato pagkamayor apan naparot, samtang si Dizon wala masublii sa milabay nga Mayo 9, 2022 National ug Local Elections.
Ang Konseho pinaagi ni Konsehal Jocelyn Pesquera nipasidungog nila ni Tumulak, Dizon, Vice Mayor Raymond Alvin Garcia, Niña Mabatid ug Lea Japson.
Sila si Japson ug Mabatid dili na sab makabalik sa konseho sa siyudad human nga wala sila makadaog sa Mayo 9, 2022 national ug local elections.sa mga programa sa City Government ," matud pa ni Resch.— Decemay Padilla/IBM (BANATNEWS)
- Latest