BBM ug Duterte wala na giimbitar ni Rama sa ilang inugurasyon
CEBU, Philippines — Wala na giimbitar ni Cebu City Mayor Michael Rama sila si President-elect Ferdinand “Bongbong” Marcos. Jr. ug Vice President-elect Sara Duterte sa inugurasyon niini ug sa iyahang grupo karong adlawa.
Matud ni Rama nga wala na niya baldaha sila si Marcos ug Duterte tungod kay karong adlawa usab ang inugurasyon ni Marcos.
“No, I didn’t have to bother them anymore because we all have ceremony perhaps maybe in the afternoon, afternoon man ilaha, ours is in the morning so let them and we pray for them and we pray for our not my inauguration”, matud ni Rama. Sa dili pa sugdan ang programa alang sa inugurasyon sa grupo ni Rama diha sa atubangan sa Cebu City Hall usa ka santos nga Misa una ang ipahigayon. Sayo pa, si Rama nagkanayon nga gusto siya nga ma-surprise sa inugurasyon nga mahitabo karong adlawa.
Gibutyag ni Rama nga ang nihimo sa mga preparasyon sa kalihokan karong adlawa ang iyahang city administrator nga si Engineer Suzanne Ardosa.
Si Rama maoy nidaog isip mayor sa Siyudad sa Sugbo sa nilabay’ng eleksiyon diin unang termino niya kini karon isip mayor sa siyudad. —BDB (BANATNEWS)
- Latest
