CT-TODA nangayo og dugang heavy equipments

CEBU, Philippines — Ang pangulo sa City of Talisay-Traffic Operations and Development Authority (CT-TODA) Jonathan Tumulak nihangyo ngadto kang Mayor Gerald Anthony “Samsam” Gullas Jr. og dugang mga heavy equipment aron ilang magamit.

Matud ni Tumulak nga sa wala pa sila mohimo ug massive operation ilaha usa kining gituki uban sa mayor ang sitwasyon sa traffic sa siyudad.

Gibutyag ni Tumulak nga nihangyo sila sa mayor nga dugangan ang heavy equipment sa CT-TODA aron magamit nila sa ilang operation diin usa sa mga gi-request nila ang towing truck.

Si Tumulak nihangyo usab nga dugangan og personnel ang CT-TODA ug lakip usab ang pagpa-ayo sa command center human kini naguba tungod sa bagyong Odette. BDB (BANATNEWS)