14,000 ka pamilya, establisamento maapektohan sa clearing
CEBU, Philippines — Si Mayor Michael Rama sa Dakbayan sa Sugbo nagkanayon nga dalion nila sa pagpangita og kabalhinan ang mga maapektohan nga pamilya sa ipahigayong clearing operations sa pag-recover sa 3-meter easement.
Gibana-bana nga moabot ngadto sa 14,000 ka informal settlers ug adunay pipla ka mga establisamento ang maapektohan sa himuong clearing operations.
Matud ni Rama nga sa nilabay nga administrasyon si kanhi konsehal Gerry Carillo kinsa maoy chairman karon sa City Disaster Risk Reduction and Management Council nangamahan sa resolusyon nga nagtuki sa isyu mahitungod sa informal settlers.
“I’m going to retrieve that resolution. We will have to discuss that matter and medium rise buildings, and container (vans) temporary as what we call settlement”, matud ni Rama.
Sayo pa, gibutyag ni Carillo nga gimandoan siya ni Rama nga siguradohon nga ang mga apektadong pamilya sa clearing operations mahatagan og relocation.
Gitan-aw karon sa Cebu City Government ang pagtukod og dugang medium rise buildings alang sa displaced families.
Dugang ni Carillo nga gisultihan na sila sa Mines and Geosciences Bureau sa Department of Environment and Natural Resources sa paghawan sa 3-meter easement. BDB (BANATNEWS)
- Latest
