Dr. Loreche mao nay mangulo sa CCMC
CEBU, Philippines — Si Dr. Mary Jean Loreche, Chief Pathologist sa Department of Health Central Visayas mao na unya ang mangulo sa Cebu City Medical Center CCMC.
Kini ang gipahibawo ni Mayor Michael Rama isip kabahin sa gipatuman nga kausaban sa kagamhanan sa siyudad nonot sa pagsugod sa iyang bag-ong termino karong Hulyo 1, 2022.
Nagkanayon si Rama nga ila na kining natuki uban kang City Administrator Engr. Suzanne Ardosa ug kasamtangan nga CCMC Administrator Sonia Empinado nga mohatag og dalan ug suportahan si Dr. Loreche.
“As far as I’m concern I’m either DOH or what she will be there sa CCMC…In fact, I’m having her discuss with Suzanne Ardosa to pave the way and Sonia and all the rest to give their support to her and of course the revival of CCMC Board”, matod ni Mayor Rama.
Si Dr. Mary Jean Loreche sa iyang bahin mikumpirmar sa maong pahibawo ni Rama ug sa tinguha sa mayor nga mahisama ang Cebu City sa Singapore ug kabahin sa damgo niini ang paghatag og maayong serbisyo sa CCMC ngadto sa katawhan. Giklaro hinoon ni Dr. Loreche nga maayo ang iyahang relasyon sa DOH dungan sa pagbutyag nga gihatag ug gihimo na niya ang tanan sa maong ahensiya ilabi na panahon sa pandemya.
“Yes, no problem at all (relationship with DOH), I think naman, I believe I have given my best also during the pandemic with the Department of Health and I have rendered and given all you know done everything I could as expected”, ni Loreche pa. —MEL (BANATNEWS)
- Latest
