Poultry sa lungsod sa Barili gipasusi sa mayor
CEBU, Philippines — Gipasusi ni Mayor Julie Flores sa lungsod sa Barili, ang usa ka poultry sa may barangay Luhod nga sakop sa iyang lungsod, kini human adunay taas nga kaso sa typhoid fever ug dengue.
Ang team nga misusi sa lugar gilangkuban sa mga doctors, Municipal Environment and Natural Resources Office, ug water head sa barangay Luhod.
Sumala pa ni mayor Flores, nagpaabot na lang siya sa findings nga gihimo sa maong team kun duna bay kalabutan ang maong poultry sa nitumaw nga mga sakit.
Gipaatiman na usab sa mayor ang kahimtang ingon man ang panginahanglan sa mga masakiton ilabi na ang mga na admit sa ilang tambalanan.
Nasayran dunay mga kabalaka karon ang mga residente sa lungsod sa Barili tungod kay daghan kaayo ang na admit sa tambalanan nga nasakit ug typhoid ingon man dengue. MEL (BANATNEWS)
- Latest