Electric nga sakyanan isugyot ni Archival
CEBU, Philippines — Aron makadaginot ang kagamhanan sa Siyudad sa Sugbo , isugyot ni Konsehal Nestor Archival nga labing maayo nga anam -anam na nga mogamit ang siyudad og electric vehicles.
Suma pa sa konsehal nga nagkamahal og maayo ang presyo sa gasolina busa panahon na nga mangita og alternatibo kon diin makadaginot ang kagamhanan.
Sa kasamtangang sitwasyon, kapin sa P200 million ang magasto sa siyudad sa pagpalit lang og petrolyo kada tuig aron makadagan ang mga sakyanan sa siyudad ug pipila ka sakyanan sa siyudad diha sa mga barangay.
Tinguha usab ni Archival nga pabutangan og solar panels ang garahian sa mga sakyanan sa city government kun diin dinhi i-charge ang electric vehicles.
Sa mao usab nga senaryo, makatabang usab kini pagprotektar sa kalikopan. Makadaginot usab kini og espasyo sa garahian sanglit wagtangon naman ang mga dagkong tangke. Kun makakita og higayon si Archival, makig-estorya siya ni Mayor Michael Rama alang sa maong tinguha.
Moduso usab siya og resolusyon kalabot sa maong sugyot aron makahimo og general nga hukom ang konseho.
Nagmaulom si Archival nga suportahan ni Rama ug sa konseho ang iyang sugyot bisan pa man nga naa siya sa minority group.
Matud pa niya nga isip konsehal ,mandato na gyud niya ang pag-umol og mga lakang nga maghatag og kaayohan sa katawhan.
Usab usab siya sa mga konsehal nga gusto og panaghiusa tali sa mga miyembro sa konseho.— IBM (BANATNEWS)
- Latest