DepEd nagkinahanglan og dugang pundo
CEBU, Philippines — Nagkinahanglan pa og dakong pundo ang Department of Education Cebu City Division aron mapaayo ang mga tunghaan sa siyudad nga nangaguba sa bagyong Odette.
Nasayran nga 122 ka eskwlehan sa siyudad ang nangadaot ug 60 porsyento niini nakaangkon og minor damages samtang 40 porsyento ang nakabaton og grabeng kadaot.
Kapin sa P300 milyones ang gipangayo’ng budget sa DepEd Cebu City Division ngadto sa ilahang central office alang sa pagpaayo sa mga tunghaan apan giingong ang gihatag kanila P6 milyones lang ubos sa Quick Response Fund.
Si Dr. Rhea Mar Angtud nagkanayon nga ang mga tunghaan nga adunay minor damages ang Local School Board maoy niatiman niini.
Ang DepEd nihimo og fund raising nga gilangkuban sa Ride ug Walk for A Cause diin nakatigom sila og P500 mil ug karong Hunyo 4, 2022 magpahigayon usab sila sa “Run for A Cause” tungod kay kuwang pa ang pundo nga ilang nahipos.
Nagsugod na og dawat og registrants ang DepEd Cebu City Division alang sa ilahang 'Run for a Cause'. Ang gusting moapil niini gikinahanglang mo pre-register sa https/tinyurl.com/ run for acause regform.
Ang deadline sa registration karong May 31, 2022 diin P600 ang registration ug ang inclusion niini t-shirt ug number bib pwedeng mobayad sa GCash number 0915-608-0483 ug ang GCash name mao si Rizalina Bacalso ibutang lang sa GCash comment section ang "Registration Run for a Cause".
Ang ‘Run for a Cause’ adunay tulo ka category nga gilangkuban sa 3k, 5k ug 10k. —/BDB (BANAT NEWS)
- Latest
