Libreng Kasalan sa Lapu-Lapu gisalmotan sa 14 ka paresan
CEBU, Philippines — Dili mominos sa 14 ka paresan ang niapil sa "I Do" Libreng Kasalan ng Bayan nga gipahigayon sa Olango Island, sa Dakbayan sa Lapulapu, kagahapon.
Kini ang gibutyag ni Lapu-Lapu City Mayor Junard "Ahong" Chan.
Matud pa ni Chan, ang sekreto sa malipayon nga kaminyoon ang pagkakita sa tinuoray nga tawo, ug mabutyag ang tinuoray kung magkahigugmaay kamo sa tanan nga panahon.
Iyang nakita ang tam-is nga kalipay pinaagi sa mga pahiyom sa pag-angkon sa ilang opisyal nga pagka magtiayon sa balaod ug sa mata sa ilang mga pamilya, ug kaparyentihan nga mipabati sa ilang presensya.
Ang mayor mipadangat sa iyang pagtimbaya sa 14 ka bag-ong magtiayon ug iyang giampo ang walay kahumanan nga kalipay ug walay paghubas nga gugma sa usag-usa.
Giawhag ni Chan, ang managtiayon nga ibutang ang Ginoo sa sentro sa ilang pagminahalay aron molig-on ang pundasyon sa ilang panag-uban ug mas dali nila mahatagan ug kasulbaran ang tanan hagit nga moabot sa ilang kaminyoon. —MEL (BANATNEWS)
- Latest