One Cebu mopahigayon og mass oath taking
CEBU, Philippines — Nagplano ang One Cebu nga mopahigayon og mass oath taking sa tanang miyembro niini nga nidaog sa nilabay’ng eleksiyon niadtong Mayo 9, 2022. Matud ni Gobernador Gwendolyn Garcia, chairman sa One Cebu nga wala pa hinuon ang final date sa pagpahigayon nila sa maong kalihokan.
“Given that One Cebu has overwhelmingly won in the entire Province of Cebu. Since this is really history in the making we are planning on a mass oath taking with all of our winning congressmen, mayors, vice mayors, councilors, board members”, matud ni Garcia.
Mopadala og imbitasyon ang partido kang presumptive President Ferdinand “Bongbong” Marcos Jr. apan magdepende kini kon bakante ang naulahi sa maong adlawa.
Kabahin sa bag-ong bise presidente, matud ni Garcia nga nangutana na daan si presumptive Vice President Sara Duterte- Carpio sa schedule sa oath taking sa One Cebu tungod kay nagplano usab kini nga motambong.
Si Marcos ug Duterte- Carpio pareho kining nakakuha og sobra sa usa ka milyon nga botos gikan sa mga Sugboanon.
Ang duha mao usab ang giendorso sa One Cebu atol sa piniliay. BDB (BANATNEWS)
- Latest