Magtiayong Frasco nidaog
CEBU, Philippines — Nasublian sa bag-ohay lang natapos nga piniliay si Fifth District Representative Vincent Franco "Duke" Frasco niadtong Mayo 9 nga piniliay.
Naproklamar si Frasco human nakakuha og 222,288 boto batok sa 108,596 boto ni Ramon “Red” Durano VI.
Matud pa nga nidaog sa tanang 10 ka lungsod sa maong distrito si Frasco gawas lang sa Danao City nga nilabaw si Durano.
"Sukad sa inyong pagpili kanako isip inyong Congressman niadtiong 2019, akong gipaningkamotan nga dili mo mapakyas sa inyong pagsalig kanako.
Atong gituman ang atong mga saad sa pag-implementar ug mga programa ug proyekto sa edukasyon, health, ug infrastructure alang sa pag-angat sa kinabuhi dinhi sa Kinto Distrito," matud pang Frasco.
Si reelectionist Provincial Board Member Red Duterte u gang bagitong si PB Member-elect Mike Villamor, nga kauban sa Team Frasco apil sab sa naproklamar nga mananaog.
Sa Liloan, si Mayor Christina Garcia Frasco mao sab ang nakadaog nga nakakuha og 59,095 boto o sobra 86 porsiyento sa namotar batok sa 9,580 boto ni retired Judge Ulric Cañete.
Samtang ang ig-aw ni Frasco nga si Konsehal Aljew Frasco napili sab nga bise mayor ug walo sa mga konsehal nila ubos sa One Cebu Team Frasco nakadaog sab. —IBM (BANATNEWS)
- Latest