Problema sa baha unahon pagsulbad ni Chan
CEBU, Philippines — Ang pagsulbad sa problema sa baha maoy usa sa hatagan og unang pagtagad ni Lapu-lapu City Mayor Junard “Ahong’ Chan, human siya napili pag-usab pagka mayor sa siyudad.
Matud pa ni Chan, ang baha maoy usa sa mga immediate concerns sa mga oponganons sa pipila ka lugar ilabi na kung ting-ulan ug panahon nga dunay kalamidad.
Nagkanayon ang mayor nga makig-alayon siya sa iyang kapikas nga si Cindi, human giproklamar usab kini nga mananaug sa congressional race sa lapu-lapu city’s lone district.
Lakip sa ilang unahon mao ang pagpa trabaho sa mga drainage nga way gawsanan sa tubig nga sagad hinungdan sa pagbaha. Suma pa ni Mayor Chan nga susihon niya ang mga drainage project ni kanhi kongresista Paz Radaza, kung aduna ba kini outfall.
Gawas sa drainage project tutukan usab niini ang uban proyekto nga wala hatagi ug pagtugot sa kanhi niya mga kaubanan sa City Council. —MEL (BANATNEWS)
- Latest
