Usa ka lalaki nga “high” buot mo ambak sa sky walk

CEBU, Philippines — Usa ka 31-anyos nga lalaki kinsa buot mo ambak sa skywalk diha sa Osmeña Boulevard, Dakbayan sa Sugbo kagahapon sa buntag ang naluwas sa kapolisan.

Ang maong lalaki giila sa kapolisan nga si Jonel Argenal, lumad na taga Iloilo City.

Si Police Major Nolan Tagsip, hepe sa Abellana Police Station nibutyag nga ilahang gidakop si Argenal ug pasakaan kini nila og kasong alarm and scandal tungod sa iskandalo nga gibuhat niini.

Matud ni Tagsip nga sa ilang pagsukit-sukit kang Argenal nagduda sila nga high pa kini sa ginadiling drugas.

Si Argenal nangangkon nga sa niaging tungang gabii adunay mga tawo nga naggukod kaniya hinungdan nga nidagan siya pahilayo sa maong mga tawo.

Matud ni Argenal nga kasamtangan siya nga nag-check in diha sa usa ka hotel dool sa Mango Avenue diin siya giingong gitusokan sa iyang bukton og liquified nga shabu sa usa sa iyang kauban.

Gibutyag ni Argenal nga didto sila sa Bohol niadtong Mayo 1 hangtud 4, 2022 diin siya gipapahuway ug dayon nianhi sila sa Siyudad sa Sugbo.

Nangangkon usab si Argenal nga didto siya sa Cavite ug adunay kaila niya nga nitanyag og trabaho isip usa ka massage therapist for hire.

“Hanggang sa pinapasok nila kami sa isang site na ‘RentMed’ international po iyon na pwede ka doon i-travel buddy, i-escort ka, magda-drugs kayo, party-party, magse-sex, ganun. So ako, pagnawala ako, 3 p.m. po flight ko eh, 10 p.m. pa lang marami na nag- message sa akin”, asoy ni Argenal.

Mga alas 11:00 sa buntag kagahapon si Argenal buot mo sulod diha sa Police Regional Office-7 nga nagdagan nga nagbitbit og duha ka barbecue sticks ug dihang gipugngan kini sa mga polis nidagan kini ug nisaka diha sa skywalk og boot nga mo ambak.

Pag-abot sa mga polis si Argenal nag kompayot na kini sa skywalk ug naluwas kini sa mga polis ug gidala kini diha sa Abellana Police Station. BDB (BANATNEWS)