Mga kandidato nibotar kuyog sa ilang mga pamilya
CEBU, Philippines — Ang duha ka gubernatorial candidate sa Probinsiya sa Sugbo nibotar sa ilang tagsa-tagsa ka lungsod ug siyudad sa probinsiya.
Si incumbent Governor Gwendolyn Garcia diha nibotar sa Lamak Elementary School sa Barangay Mayana, Lungsod sa Barili pasado alas 9:00 sa buntag kagahapon.
Uban ni Garcia ang iyang pag-umangkon nga si Barili mayoralty candidate Jhon Jhon Garcia ug ang iyang mga anak nga sila si Paulo ug Carrisa. Samtang si kanhi tourism secretary Ace Durano diha kini nibotar sa Guinsay Elementary School sa Dakbayan sa Danao.
Uban ni Durano ang iyang pamilya sa pagbotar kagahapon sa buntag sama ni 5th district congressional aspirant Red Durano ug amahan nga si Danao Mayor Nito Durano.
Si Garcia nilansar ubos sa One Cebu samtang si Ace ubos sa Partido Pilipino sa Pagbabago.— BDB (BANATNEWS)
- Latest