Transformative politics ipadayon ni Fernandez modaug man o dili
CEBU, Philippines — Modaog man o dili ipadayon ni Francisco “Bimbo” Fernandez ang tinguha niini nga transformative politics. Kini maoy iyang gibutyag dihang nahinabi sa mga tigbalita dihang nibotar kagahapon sa Tisa National Highschool sa Barangay Tisa, siyudad sa Sugbo.
Si Fernandez nga kanhi Department of Interior and Local Government undersecretary nagpapili isip Vice Mayor sa Cebu City.
“Hinaot nato syempre molampos ta but ang ako lang bahala na og unsay resulta sa election I’m very happy because we have communicated the message nga gikinahanglan gyud ang transformative politics, so bahala na og unsay resulta, syempre og modaog ta malipay ta ipadayon nato pero bisag mapildi ta ipadayon lang gihapon nato”,segun ni Fernandez.
Giangkon niini nga siya nasurpresa tungod kay bisan og wala siya’y resources, independent candidate siya apan layo siya og naabtan ug gikonsiderar nga serious candidate.
Nasayran nga gipalayuhan ni Fernandez ang kandidatura ni vice president Leni Robredo ug kini miawhag sa People’s Campaign ni Robredo nga ipadayon ang tinguha nila nga kausaban sa pang-gobyerno. —MEL (BANATNEWS)
- Latest