Miting de avance sa Team Alagad malamposon

CEBU, Philippines — Gihugopan sa liboan ka mga molopyo sa Lungsod sa Consolacion ang gipahigayon nga miting de avance sa Team Alagad nga gipangulohan ni Consolacion mayoral candidate incumbent Vice Mayor Teresa Alegado.

Ang kalihukan gihimo niadtong Miyerkules sa gabii, Mayo 4, 2022 diha sa bakanteng luna sa Sta. Lucia nga nahimutang sa Barangay Poblacion Occidental.

Giapilan sa kompleto niining line up sa konseho nga naglakip sa iyang tandem nga si bise mayor Victor Maglasang.

Si Incumbent Governor Gwendolyn Garcia kauban sa iyang tandem nga Dr.  Maria Teresa Heyrosa mitambong usab sa maong kalihukan. Ang kanhi tigpamaba ni Presidente Rodrigo Duterte nga si Harry Roque nga kandidato sa

pagka senador mao lamang ang bugtong kandidato sa nasudnong katungdanan ang nakatambong sa maong kalihokan.

Si Bise Mayor Alegado nga nahinabi sa mga tigbalita miingon nga iyang gitinguha ang pagbalik isip mayor sa lungsod tungod kay buot niyang mapadayon ang mga proyekto nga iyang nasugdan.

Naglakip na niini ang kaugmaran  sa reclamation project  sa Barangay Tayud diin mamugna na unya ang gitinguha niyang Seafront City  ug ang hingpit nga pagsulbad sa suliran sa trapiko tungod sa coastal road  nga

pagahimoon paingon ngadto sa norte sa lalawigan sa Sugbo. Sa nasayran  si Bise Mayor Alegado giatbangan usab sa laing tulo ka mga kandidato alang sa pagka  mayor

sa maong lungsod nga naglakip kanila ni Ain Rose Bihag, Maria  Ava Sanchez ug Raul Isoto. (BANAT NEWS)