Lalaki gipusil sa dakbayan sa Toledo
CEBU, Philippines — Nalandig sa tambalanan ang usa ka 39 anyos nga lalaki human kini gipusil sa wala mailhing lalaki sa may Sitio Anislag Brgy. Canlumampao, Dakbayan sa Toledo, niadtong Lunes sa gabii.
Ang nalandig sa tambalanan mao si Elfred Abella, residente sa maong lugar.
Base sa initial nga imbestigasyon sa kapolisan ang biktima diha sa gawas sa tindahan sa iyang igsuon dihang niabot ang suspetsado nga gikan sa Cambang-og area dayon pusil niini sa makadaghan higayon.
Human sa pagpamusil dali kaayo nakasibat ang suspetsado palayo sa maong lugar.
Gidali pagdala sa tambalanan ang biktima kinsa nakaangkon ug upat ka samad pinusilan sa nagkadaiyang party sa iyang kalawasan.
Nakuha sa kapolisan ang pito ka kabhang sa 45. Caliber pistol.
Ang pangulo sa Toledo City Police Station PLT COL. Dennis De Guzman uban sa imbestigador niini nisusi na sa motibo sa pagpamusil.
Samtang gisusi usab sa kapulisan ang background sa biktima. —MEL (BANATNEWS)
- Latest
