Ginang nasakpan sa bana nga nagdulog sa uyab
CEBU, Philippines — Nagtingkagol sa detention cell ang usa ka 35-anyos nga ginang human kini naaktohan sa iyang bana nga nakigdulog sa iyang uyab kagahapon sa kadlawon diha sa Barangay Luray, Dakbayan sa Toledo City.
Ang giingong uyab sa ginang nagpanuigon kini og 29-anyos, lumad nga taga Tagum City ug kasamtangan nga nagpuyo sa maong lugar.
Samtang ang bana sa ginang nagpanuigon kini og 37-anyos. Nasayran nga ang nahisgutang bana nagpakitabang sa kapolisan human ang asawa niini giingong nalambigit og laing lalaki ug nagpuyo kini sila sa susamang lugar diin sila nadakpan.
Ang kapolisan sa siyudad dali nga niresponde ug naaktohan ang suspetsado ug ang ginang nga nagdulog.
Ang duha gisikop kini sa mga polis ug natingkagol karon sa detention cell sa Talisay City Police Station.
Si Police Staff Sergeant Alfredo De Gracia nagknayon nga ang bana sa ginang desidido kining mopasaka og kaso batok sa iyang asawa ug uyab niini. —BDB (BANATNEWS)
- Latest