Siyudad sa Naga mihatag og tabang pinansyal sa Leyte
CEBU, Philippines — Ang lokal nga kagamhanan sa siyudad sa Naga nihatag og P500, 000 ngadto sa mga lugar sa Leyte nga naapektuhan sa bagyong Agaton.
Kini gilangkuban sa P300, 000 nga financial assistance sa Baybay City samtang P200, 000 usab ang gihatag ngadto sa lungsod sa Abuyog.
Si Dr. Junjie Cruz, representante sa buhatan ni Mayor Kristine Vanessa Chiong maoy nitunol sa maong tabang pinansyal sa mga opisyal sa duha ka LGU.
Sa nasayran ang maong mga lugar nakasinate og landslide gumikan sa bagyong Agaton nga mikalas og ubay ubay nga kinabuhi
“To our brothers and sisters in Baybay City and Municipality of Abuyog, ang mga Nagahanon nagkahiusa sa paglaum ug pag-ampo alang sa inyong recovery and rehabilitation.” Pagbasa sa facebook page sa Naga.
Dili momenus usa ka gatos na ang natala nga namatay sa maong mga lugar tungod sa halapad nga pagdahili sa yuta human sa pagkuso-kuso sa bagyong Agaton. —MEL (BANATNEWS)
- Latest
