Patay’ng lawas sa babaye naglutaw-lutaw sa dagat
CEBU, Philippines — Usa ka patay’ng lawas sa babaye ang nakit-an nga nag-lutaw-lutaw diha sa kadagatan sa Sitio Bantigue, Barangay Tingo, Isla sa Olango kagahapon sa buntag.
Ang maong patay’ng lawas padong na nga madugta, wala na kini sinina ug wala pa usab mailhi.
Matud ni Police Staff Sergeant Clifford Elibeto, imbestigador sa Lapu-Lapu City Police Station 1 nga ang maong patay’ng lawas dili na kini maila tungod kay niburot na kini ug padong na nga madugta.
Ang maong patay’ng lawas gikatakdang ipaubos sa kapolisan sa siyudad og autopsy aron masayran ang hinungdan sa kamatayon niini.
Si Elibeto nagkanayon nga nagtuo sila nga naanod diha sa lugar ang maong patay’ng lawas tungod kay walay nidangop diha sa ilang buhatan nga nangita sa ilang kabanay.
Si Elibeto niawhag sa mga pamilya nga adunay kabanay nga babaye nga wala niuli nga makig-alayon sa ilang buhatan. BDB (BANATNEWS)
- Latest
