167 na ang nakalas sa bagyo

CEBU, Philippines — Bisan sa paghiklin sa mas taas nga lugar aron masalbar gikan sa pagsaka sa tubig sa kasapaan nahimo na hinuong hinungdan sa pagkamatay sa daghang mga tawo didto sa Abuyog, Leyte human nga bukid kun diin sila nipasalipod nahunlak padung kanila.

Mao kini ang paghulagway sa pipila ka mga survivors sa Brgy. Pilar sa Abuyog. Ang Pilar usda ka barangay nga ang panginabuhian sa mga molupyo mao ang panagat.

Sumala pa sa uwahing report sa Philstar.com, moabot na og 167 ang natalang nakalas sumala pa sa National Disaster Risk Reduction and Management Council bulletin kagahapon adlaw nga Sabado.

Of these fatalities, only 12 have been confirmed by the NDRRMC, while 155 remain “for validation,” matud pa sa report.

Ang kadaghanan sa mga nakalas gikan sa Eastern Visayas kun diin daghang mga nahitabong landslides.

Gawas sa pa niini, dunay 110 pa ka tawo nga na missing ug ang 104 niini gikan sa Eastern Visayas, samtang walo sab ang nangaangol.

Ang NDRRMC nagkanayon nga moabot 1.9 million ka tawo ang naapektahan sa bagyo. Ang 30 mil naa karon sa mga evacuation centers.

Ang maong bagyo nagbilin og P6.95 million danyos sa mga imprastraktura ug P242.24 milyones sa agrikultura.

Housing gisaad

Samtang 64 ka siyudad ug lungsod ang nawad-an og kuryente samtang tulo ka siyudad ug lungsod sab ang naapektahan ang supply sa tubig.

Si Presidente Rodrigo Duterte misaad niadtong adlaw nga Biyernes nga hatagan og mga panimalay sa gobiyerno angmga biktima apan kini mipasidaan nga madugay-dugay pa kini.

“To all of you who lost their houses in the typhoon, you will be given a new house but it would be a long, long process. It’s not like there’s just a miracle,” si Duterte namahayag nga giluwatan sa Presidential Communications Operations Office.

Giangkon niya nga matukoran nila og mga balay ang mga biktima kun duna pa unta siyay panahon.  “There’s only two months left of my presidency, so I won’t be able to do much to help you. But what I can assure you is that I will help make sure that preparations will be in place to help give you new houses,” si Duterte nagkanayon.

Si Duterte miingon nga mahimong kuhaon sa gobiyerno ang mga pribadong yuta nga paborableng tukoran og mga panimalay sa mga biktima pinaagi sa “power of eminent domain” basta bayran lang ang tagiya.  Apan giangkon niyang taas pa kaayo kini nga proseso.

Natabunang buhi

Dunay sobra 10 mil ka mga panimalay ang nangagusbat ug nadanyos tungod sa maong bagyo sumala pa sa NDRRMC.

Ang mananagat nga si Fernando Rosquetes miingon nga iyang giingnan siyang mga kabanay sa pagsaka sa bukid luyo sa ilang barangay nga mao ang Pilar nga naa ra sa baybayon kay mas luwas didto.

Apan niadtong adlaw nga Martes ang maong bukid kalit nga nahunlak ug gibanlas silang tanan paubos padung balik sa ilang barangay ngadto sa dagat. Daghan ang nangatabunang buhi.

Santo Papa

Niadtong adlaw nga Biyernes, si Pope Francis mipahinungod sa iyang mga pag-ampo alang sa libuang mga Pilipino nga naapektahan sa bagyong Agaton.

Sa usa ka mensahe nga gipagawas sa Santo Papa, siya mipadayag og “solidarity with all those suffering” sa mga naapektahan sa bagyong Agaton.

Ang maong mensahe gipirmahan ni Vatican Secretary of State Cardinal Pietro Parolin nga gipadala ngadto ni Archbishop Charles Brown, Apostolic Nuncio to the Philippines.

“His Holiness Pope Francis wishes to express his solidarity with all those suffering in the wake of the storm. He also offers the assurance of prayers for the dead, injured, and displaced as well as those engaged in recovery efforts,” sumala pa sa suwat ni Parolin.

Ang suwat gipdala ngadto kang Bishop Pablo Virgilio David, presidente sa Catholic Bishops’ Conference of the Philippines.

“As a sign of spiritual closeness, His Holiness willingly invokes upon all the Filipino people God’s blessings of strength and peace,” dugang pa sa maong  telegram. —Philstar.com/IBM