Kapitan, konsehal gipalagpot sa serbisyo

CEBU, Philippines — Usa ka barangay kapitan kinsa nilansar karon pagka-mayor sa Lungsod sa Malabuyoc ang gi-dismiss sa Ombudsman gikan sa katungdan uban sa duha ka konsehal sa barangay. Ang Office of the Ombudsman nagkanayon nga si Erlinda Piedad, Randy Quiñones ug Maria Luz Quiñones guilty sa kasong grave misconduct.

Ang maong kaso nagsugod pa niadtong tuig 2017 kalabot sa illegal disbursement nga P50,000 sa barangay funds alang sa pagpahigayon og socio-cultural activities ug ingon man pagpahigayon og duwa ug dance and singing contest. Nasayran sa fact finding team sa Ombudsman nga kadtong mga nalista nga winner sa mga contest ug recipients sa premyo mga kabanay ra sa respondents.

Ang maong recipients nangangkon nga wala sila moapil sa maong contest ug wala masayod ug wala sila’y gipirmahan nga dokumento. Giingong ang respondents ni-peke sa mga pirma sa recipients.

Ug gumikan niini si Piedad ug ang duha ka Quiñones gitangtang kini sa serbisyo ug gitangtang usab ang ilagn eligibility, forfeiture sa retirement benefits ug perpetual disqualification sa paghupot og government service.

Si Piedad nilansar pagka-mayor sa lungsod sa Malabuyoc atbang ni Konsehal  Daisy “Daya” Lim Creus, asawa sa incumbent Mayor Lito Narciso Creus.

Ang Ombudsman nimando sa DILG nga i-serve ang dismissal order. —BDB (BANATNEWS)