14 ka tawo gitokhang sa Talisay City

CEBU, Philippines — Miabot sa 14 ka mga adis-adis sa barangay Candulawan, Dakbayan sa Talisay ang gipangtokhang niadtong milabay nga adlaw.

Si Police Captain Jose Nilo Abello sa Talisay City Police Station nibutyag nga ilang gihimo ang house to house nga paghangyo sa mga bisyoso aron sila paundangon sa ilang ilegal nga kalihukan.

Ang ilang nalista nga personalidad nagsagol sa ilang bisyo mapa user man o pusher sa ginadiling drugas.

Matud pa ni Abello nga ila sab silang gihangyo nga mopaubos sa drug rehabilitation program nga makatabang nga mapapas ilang pangalan sa listahan sa mga gipang-monitor.

Nagkanayon si Abello nga positibo ang resulta sa ilang programa human ang tanan nipasalig nga mag bag-o na sa ilang kinabuhi.— IBM (BANATNEWS)