Contact sports ug sabong gitugot na sa Toledo
CEBU, Philippines — Nitugot na ang lokal nga kagamhanan sa syudad sa Toledo sa pagpahigayon og contact body sports didto sa maong dakbayan samtang ubos kini sa Alert Level 2 status.
Segun sa pahibawo sa information office sa Toledo pinaagi sa ilang social media account gitugtan na ang hangyo alang sa Contact Body Sports apan kinahanglan ang mga organizers motuman sa guidelines sa National IATF ubos sa Alert Level 2 Restrictions.
Gitugot usab ang sabong didto sa dakbayan apan kadto rang lisensyado nga sabongan ang gitugtan nga mag operate.
Si Mayor Marjorie “Joie” Piczon Perales nipatawag og tigom sa mga opisyal sa city hall sa lokal Inter-Agency Task force kagahapon aron hisgotan ang request sa mga residente kalabot sa pag eskwela, relihiyosong kalihokan ug mga patigayon sa syudad samtang gipaubos pa kini sa Alert Level 2.
“Naa naman gyud ni ang Covid, we must embrace nalang the new normal, kay naa naman gyud na, basta mag amping lang gyud ta.” Suma pa ni konsehal James Yared Gaite nga nitambong sa maong tigom. —MEL (BANATNEWS)
- Latest