PFP nipahigayon og anti-election fraud seminar
CEBU, Philippines — Ang Partido Federal ng Pilipinas ania sa Sugbo ug nagpahigayon kini og anti-election fraud seminar.
Nasayran nga ang PFP maoy political party ni presidential candidate ug kanhi senador Ferdinand “Bongbong” Marcos Jr. kinsa maoy kasamtangan nga chairman sa maong partido.
Matud ni Atty. Tito Pintor, presidente sa PFP-7 nga tinguha nila sa maong kalihokan mao aron malikayan nga sila matikasan ug aron maapil sa pag-ihap ang mga boto sa ilang kandidato pagka-presidente.
Gawas niini, tinguha usab nila nga mahatagan og katin-awan ang mga sayop nga impormasyon nga nanggawas batok kang BBM nga iyang gihulagway nga gituyo lang aron dauton ang ilang kandidato.
Samtang si Atty. George Briones, PFP national general counsel nagkanayon nga gusto usab nila nga ipaila-ila ang ilang partido sa mga Sugbuanon.
Matud ni Briones nga tuig 2019 dihang naumol ang PFP nga partido diin tumong niini aron suportahan ang kawsa ni Presidente Rodrigo Duterte nga himuong federalismo ang panggobiyerno sa Pilipinas.
Nasayran nga aduna sila’y dul-an sa 17,000 ka watchers nga ipamutang diha sa mga nagkadaiyang polling precinct sa tibuok Central Visayas aron maoy mobantay nga dili matikasan ang ilahang gisuportahan nga kandidato.
“Kukunan ng litrato with their cellphones kasi po ang watcher allowed na may cellphone kayo pong botante hindi po kayo allowed pero ang watcher po allowed po yan sa loob ng presinto, kukunan nila yung election return ta-transmit nila sa PFP headquarters, meron din po yan resibo na lumalabas na mahaba”, matud ni Briones.
Giingong ang Partido Federal ng Pilipinas adunay kapin usa ka milyon ka miyembro. BDB (BANATNEWS)
- Latest
