Team Deretso nangangkong opisyal nga kandidato sa Uniteam
CEBU, Philippines — Gipadayag ni Kongresista Paz Radaza nga iyang pundok sa Team Deretso mao ang opisyal nga nagdala sa Uniteam nila ni kanhi Senador Ferdinand Bongbong Marcos ug Davao City Mayor Sara Duterte.
Si Radaza nga kandidato pagkamayor sa Dakbayan sa Lapu-Lapu nipasabot nga sila sakop sa Lakas CMD nga mao usab ang gisakyan nga national nga partido ni Duterte isip bise presidente.
Samtang ang Patido Federal Pilipinas (PFP) mao usab ang gisakyang national nga partido ni BBM sa iyang kandidatura sa pagka –presidente.
Gitataw ni Radaza nga nag-coalition ang Lakas CMD ug PFP hinungdan nga sila sa Team Daretso ang opisyal nga kandidato sa Uniteam.
Nasayran nga si incumbent Mayor Junard “Ahong” Chan nipadayag usab nga modala sa Uniteam nila ni BBM ug Duterte tungod kay ang partido nga PDP Laban nipadayag na og suporta sa BBM ug Sara tandem. BDB (BANATNEWS)
- Latest