Gullas: Unahon ang responsibilidad isip mayor
CEBU, Philippines — Giangkon ni Mayor Gerald Anthony “Samsam” Gullas Jr. sa Dakbayan sa Talisay nga isip incumbent mayor sa siyudad ug nagpasubli usab siya sa pagpapili sa maong posisyon sa umaabot nga national ug lokal nga eleksiyon sa Mayor, 9, 2022 grabe ang iyang ka-busy karon tungod kay wala ug tuo ang iyang pag-atubang sa mga tawo. Gikompara ni Gullas ang sitwasyon dihang una siya nga nagpapili nga mayor sa Dakbayan sa Talisay niadtong tuig 2019 ug karon sa iyang ikaduhang termino.
Matud ni Gullas nga kinahanglang unahon ang responsibilidad isip mayor ug kinahanglan usab nga balansehon ang oras sa paghatag og pagtagad sa trabaho ug ang pagpangampaniya.
Nabantayan nga bisan sa adlaw nga Sabado ug Domingo namirma si Gullas sa mga angay nga pirmahan nga mga transaksiyon ug dokumento.
Si Gullas nagkanayon nga lakip ang mga imbitasyon dili gyud kini angayan nga balibaran gumikan kay tipik kini sa responsibilidad sa usa ka mayor. Gibutyag ni Gullas nga malipay siya ilabi na kong makakita sa mga Talisaynon nga modasig kaniya sa mga nindot nga mga pulong.
Dugang ni Gullas nga bisan sa kakapoy, kahago, init man o uwan sila mopadayon aron mahatag ang serbisyo sa team Alayon. BDB (BANATNEWS)
- Latest