Pletihan sa trisikol sa Talisay gitun-an
CEBU, Philippines — Gitun-an karon sa kadagkoan sa dakbayan sa Talisay ang posibleng kausaban sa plitehan sa traysikol nunot aning padayong pagsaka sa presyo sa petrolyo.
Ang plitehan sa traysikol sa wala pa ang pandemya naa ra sa P8 apan sa dihang gitugotan na pagbiyahe niabot na kini sa tag P15 pesos kay tulo raman sab ka tawo ang gitugotan nga makasakay.
Nabalik naman tuod ang full seating capacity apan nakasabot rasab ang uban nga pasahero gumikan sa kamahal sa gasolina karon. Apan duna gihapoy pipila nga nitiyabaw tungod sa kadako sa pletihan.
Matud pa ni Jonathan Tumulak, pangu sa City of Talisay-Traffic Operation Development Authority (CT-TODA) nga padayon nila nga gipaminaw ang yangungo sa drayber ug pasahero. Gani ang mga drayber nanawagan sa kagamhanan nga unta sila matagaan og pinansyal nga hinabang gumikan sa krisis sa gasolina.
Nagkanayon si Tumulak nga iyahay na og diskarte ang mga pasahero ingon man ang mga drayber karon aron makadaginot sa plitehan ug makadaginot sa gasolina.— IBM (BANATNEWS)
- Latest