Guardians Brotherhood Talisay Chapter gipasidunggan
CEBU, Philippines — Nagpabilin nga lig-on ang Philippine Guardians Brotherhood International Maharlika Incorporated (PGBI-MI) Talisay City Chapter.
Kini human sila gipasidunggan gikan sa ilang nasudnong buhatan gumikan sa ilang kaaktibo sa paghatag og serbisyo ngadto sa nanginahanglan.
Matud pa ni konsehal Jefferson Seguerra sa Poblacion, Talisay kinsa adviser sa grupo nga ilang nadawat ang pinakaatas nga pasidungog.
Siya nagkanayon nga walay hunong ang ilang grupo sa community service sa nagkalain-laing dapit.
Ang Talisay Chapter sa Guardian ang pinakauna nga nakadawat sa maong pasidungog.
Ang ilang grupo nisaulog sab sa ilang ika unom ka tuig nga anibersaryo pinangulohan ni Nestor Flores.
Ang kalihukan gisugdan pinaagi sa Santos nga Misa sa ilang kauban nga si Fr. Nemsio Pelleren dayon nilahos sa motorkada.
Nitambong sa kalihukan mao sila si Dr. Leo Pelletero, bise presidenti sa Visayas ug national treasurer ug si Jun Arro, secretary general. MEL (BANATNEWS)
- Latest