Takas sa Talisay masaksihan na pagbalik
CEBU, Philippines — Sud sa duha ka tuig nga wala masaksihi ang kasaulogan sa Takas sa Talisay o gitawag sab nga “Talisay landing” mabalik na kini ang naandan nga selebrasyon sa ika-77 ka tuig sa Takas sa Talisay Kagawasan sa Sugbo karong Marso 26.
Si Mikkie Aznar, tourism officer sa siyudad nagkanayon nga usa ka Santos nga Misa ug wreath laying ang ilang pagahimuon sa buntag.
Matud pa niya nga wala lang usa ang re-enactment ug parada kay ila sab nga gibalanse ang sitwasyon.
Nasayran nga duha ka tuig gyud nga giselebrar ang kalihukan nga simple tungod sa pagsulbong sa kaso sa Covid-19.
Ang selebrasyon karon ipaagi sa paugnat sa kusog ug sugdan kini sa beach volley, tennis tournament ug cycling activity.
Nagkanayon si Aznar nga usa ka ceremonial lighting ug beach concert sa pagkagabii niana aron mas alegre kini.
Sa pagkakaron, ang pagpanindot sa plaza naa na sa 95 porsiyento apan adunay uban nga phase nga pagtrabaho ang padayon pa sab nga gitrabaho.
Una niini, si Mayor Gerald Anthony “Samsam” Gullas Jr. regular na nga nibisita sa lugar aron personal nga mosusi sa kalambuan sa trabaho samtang nagkaduol na ang Marso 26.— IBM (BANATNEWS)
- Latest
