20 tunghaan sa Danao mag-face to face classes na

CEBU, Philippines — Dili momenus 20 ka mga eskuylahan sa Dakbayan sa Danao ang gipaabot nga maapil sa pilot face to face classes nga gipatuman sa DepEd.

Matud ni Danao City Vice Mayor nga si Thomas “Mix” Durano sa Marso 7, 2022 maoy target nga petsa pagsugod sa physical classes sa Danao.

Apil sa mga eskuylahan mao ang Cambubho Integrated School, Dungga Integrated School, Quisol Integrated School, Eduardo Gorre Integrated School, Raymond B. Hermosilla IS, Lawaan Elementary School, Lawaan National High School, Ramon M. Durano Snr. MNHS, Cahumayan Senior High School, Portland Elementary School, Malapoc National High School, Baliang National High School, Sandayong Sur National High School, Sandayong Sur Elementary School, G. Ypil Integrated School, Cogon Cruz Integrated School, Bibiana Mercado Integrated School, Taytay Integrated School, Cambanay Elementary School ug Leona Zamora Elementary School.

Gipasalig niya nga estriktong ipatuman ang health protocols sa maong tunghaan.

Sa pikas bahin, milampos ang limited face to face classes sa Ocaña National High School nga gisugdan niadtong adlaw nga Lunes matud pa sa usa sa mga magtutudlo didto.

Si Teresita Navares, Science Teacher sa Grade 9 miingon nga ang ilang Principal Zenia Montesa ug Assistant Principal Jerry Alforque gipatuman gyud ang health protocols sama sa pagsul-ob ug face mask, pagamit og alcohol ug pagtan-aw sa temperature sa mga nanulod sa eskuylahan.— Rowena D. Capistrano/IBM (BANATNEWS)