1,000 ka kawani sa Mandaue City Hall gipaubos sa random drug test
CEBU, Philippines — Gipaubos sa random drug test sa niaging adlaw ang 1,000 ka empleyado sa Mandaue City Hall kinsa nadestimo diha sa11 ka buhatan sa siyudad.
Gipasiugdahan ang random drug test sa buhatan sa City Anti-Drug Abuse Council (CADAC), Mandaue City Substance Abuse Prevention Office (MCSAPO) uban sa mga personnel sa Mandaue City Outpatient Recovery Clinic.
Si Atty. John Eddu Ibanez, executive secretary ni Mayor Jonas Cortes nagkanayon nga kini maoy kabahin sa City Drug-Free work place policy sa mayor.
Si Niño Kris Bayani-Dargantes, legal assistant sa buhatan sa MCSAPO nagkanayon nga ang 1,000 ka empleyado nga gipaubos sa random drug test gikan kini sa City Mayor's Office, Sangguniang Panglungsod, City Treasurer's Office, City Accounting Office, Management Information Systems Office, Human Resource Management Office, Budget Office Sectoral Affairs Office ug Office of the Sectoral Management.
Sa mayor's office, sila si Cortes ug Ibañez ang nag-una sa pagpa-drug test.
"This is to show the people we are serious with the campaign against illegal drug”, matud ni Ibanez. —BDB (BANATNEWS)
- Latest