21 na ka barangay sa Danao nakadawat ug shelter assistance

CEBU, Philippines — Dugang mga pamilya gikan sa tulo ka barangay sa Danao City ang nakadawat sa Shelter Cash Assistance sa LGU.

Ang 129 partially damaged ug 4 ka totally damaged sa Barangay Ibo, 203 partially damaged ug 32 totally damaged ug ang 107 partially damaged ug 9 totally damaged sa Barangay Sta.Rosa maoy laing hugna sa mga apektadong pamilya sa bagyong Odette nga nakadawat sa hinabang.

Naggikan sa P20 milyones nga pondo sa lokal nga kagamhanan sa Danao ang gihatag sa maong mga pamilya.

Matud sa Danao city government, nga 21 na gikan sa 42 ka barangay ang nahatagan sa maong ayuda.

Samtang didto sa lungsod sa Cordova, 468 ka mga panimalay ang nahatagan og P5, 000 nga financial assistance gikan sa lokal nga kagamhanan.

Mao kini ang unang hugna sa financial assistance sa mga totally damaged ang balay niatong Enero 28, 2022 didto sa Gabi Evacuation Center.

Segun sa Municipality of Cordova, unang nakadawat sa maong financial assistance mao ang mga totally damaged nga benepisaryo usab sa 4Ps kansang panimalay nga dunay sobra lima ang myembro sa pamilya. —MEL (BANATNEWS)