Gym sa Linao wa pa mabalik sa pagpabarug
CEBU, Philippines — Wala pa mabalik sa pagpabarug ang gym sa barangay Linao, Dakbayan sa Talisay nga naguba atol sa pagkuso-kuso sa bagyong Odette.
Si Brgy. Kapitan Ulysses Raganas nibutyag nga maayo gyud nga pagkaguba ang ilang basketball gym gumikan sa kakusog sa bagyo.
Ang ilang basketball gym bag-o lang kini nahuman nga nikantidad og P3 milyones kapin ug kulang.
Gikan sa ilang pundo ang ilang gigamit mao hinungdan nga ang anam-anam ang pagtrabaho niini.
Apan sa panghitabo balik nasab sila sa uno aron makabaton og basketball gym nga magamit sa tanan.
Una niini, si Mayor Gerald Anthony “Samsam” Gullas nagpasalamat tungod kay diha sa basketball gym sa Linao gipabakwit ang mga molupyo sa wala pa ang bagyo.
Maayo na lang gani kay gibalhin kini nila ang namakwit hangtud nga nahugno ang gym.
Sa pagkakaron, si Raganas nagpaabot sa taga Commission on Audit (COA) nga mohatag og clearance aron makuha na nila ang mga guba nga dapat sa gym.— IBM (BANATNEWS)
- Latest
