Rama misugyot nga ilisan ang pangan sa Sto. Niño Chapel
CEBU, Philippines — Mihangyo si Cebu City Mayor Michael ngadto sa Megawide Construction Corp. nga imbes Sto. Niño Chapel, himoon na lang nga Señor Citizens Chapel ang pangan sa ilang gitukod nga chapel diha sa area sa Senior Citizens Park.
Ang pagtukod sa maong kapilya maoy tipik sa gihimong modernisasyon sa Carbon Public Market ug nagpadayon na ang konstruksyon niini.
Nagkanayon si Rama nga labing maayo nga tawagon kini og senior citizens chapel ug ang patron niini mao ang Sto. Niño.
Tumong sa mayor nga dili kini makahatag og kalibog sa publiko ilabi na nga nahimutang ra ang maong kapilya duol sa Basilica Minore del Sto. Niño.
Samtang sa habig sa Megawide nga gipadangat dinhi sa Banat News, nipadayag kini nga wala pa sila'y final nga pangalan sa kapilya sanglit ipaubos nila kini sa konsultasyon sa simbahan ug sa mga opisyales sa Siyudad sa Sugbo.
Kalabot usab sa Senior Citizens' Park kun diin nahimutang ang kapilya dili ra mausab ang pangalan sa maong park.
Nasayran nga usa karon sa naghatag og atraksyon sa maong park ang higante nga imahe ni Señor Santo Niño nga nahimutang sa ibabaw nga bahin sa kapilya. —MEL (BANATNEWS)
- Latest