Pito ka durugista sa Cebu City ug Liloan sikop sa buy-bust
CEBU, Philippines — Pito ka tawo ang nasikop atol sa managlahi nga drug operation sa Cebu City ug Lungsod sa Liloan.
Sa Dakbayan sa Sugbo, tulo ang nasikop sa simultaneous buy bust operations sa Cebu City Police Office niadtong Martes sa gabii. Unang nasikop diha sa Barangay Busay mao si Jalliy Mar Parojenog, 30-anyos, nakuhaan og 60 gramos nga shabu nga nibalor tanan ngadto sa P408 mil.
Sunog nga nasikop diha sa Barangay Labangon mao si Arjay Pajer, 2, nasakmitan kini og 10 gramos nga shabu nga nibalor tanan ngadto sa P68 mil.
Ikatulong nasikop mao si Bambi Saballa, 31, taga V. Rama Avenue, Barangay Guadalupe nasakmitan og 180 gramos nga shabu nga nibalor tanan ngadto sa P1,224,000.00 ug buy bust money.
Samtang sa Lungsod sa Liloan, unang nasikop diha sa Barangay Catarman sila si Christian Remedio ug Michelle Justiniane, 23, pulos residente sa maong lugar.
Nasakmit gikan kanila ang lima ka gramong shabu nga nibalor tanan ngadto sa P34 mil.
Laing mga nasikop niadtong Miyerkules sa kadlawon diha gihapon sa nahisgutang barangay mao sila si Philip Gelido, alyas “Pipoy”, 36 ug Jay Jordan, 50, minyo, walay trabaho, taga Barangay Poblacion sa nahisgutang lungsod.
Nasakmit sa mga suspetsado ang shabu nga nibalor tanan ngadto sa P7 mil. —Romeo T. Limpangog/BDB (BANATNEWS)
- Latest
