10 kawani positibo sa drugas

CEBU, Philippines — Napulo ka mga kawani sa Mandaue City hall ang napositibo sa paggamit og ilegal nga drugas atol sa gihimong surpresang drug test nga gihimo sa buhatan sa City Anti-Drug Abuse Abuse Council (CADAC).

Si Konsehal Nerissa Soon-Ruiz miingon nga ang mga napositibo pulos kawani sa duha ka  departamento sa siyudad nga mao ang Department of General Services ug Mandaue City Environment Office.

Si Ruiz miingon nga ang resulta ipaubos pa sa confirmatory test ayha pa hukman kun taktakon ba ang maong mga kawani gikan sa ilang trabaho.

Ang maong resulta gikan kadtong sa gihimong random drug test nga gihimo ngadto sa mga kawani sa Mandaue City Hall nga kabahin sa kampanya sa siyudad nga limpyohan gikan sa mga tiggamitan og ilegal nga drugas ang mga kawani niini.— IBM (BANATNEWS)