Mga bangko gihangyo mopautang sa tourist destination operators

CEBU, Philippines — Padayon nga nagkadaghang mga tourism destinations ug mga kalingawan kalabot niini ang nangaguba ug dili pa mabuhat sa pagkakaron tungod nakaangkon og kadaot sa bagyong Odette.

Base sa Enero 7, 2022 nga datus sa Provincial Tourism Office, moabot na sa 260 ka mga “tourism-related properties, establishments activities, sites and destinations” ang gikataho nga nangaguba sa bagyo niadtong Disyembre 16 sa niaging tuig.

Amh 65 niiini ang na report, 39 ang na-document ug 51 ang parehong na-report ug na-documented sa tourism office sa kapitolyo.

“Estimated damages from tourism businesses cover about 50-90% of the properties, taking away many jobs from the tourism sector,” matud sa tourism office.

Ang kapitolyo nakigtagbo na sa mga tourism operators ug representante sa Philipppine Veteran’s Bank, Land Bank of the Philippines ug Development Bank of the Philippines (DBP) alang sa “humanitarian loan.”

Aron nga kining mga tourism establishments makautang gikan kanila aron ilang magamit sa pagpaayo ug bisan mapa expand ang ilang mga tourism properties pinaagi sa ubos ra nga interest.

Sa pikas bahin, ang kapulisan sa probinsya sa Sugbo walay natala nga kaso sa looting o riot bisan pa man naigo kini sa grabe nga kabangis sa bagyong Odette nga niresulta sa pagkagusbat sa daghang panimalay ug mga establisamento.

Si Police Colonel Engelbert Soriano, ang pangulo sa Cebu Provincial Police Office nga nahinabi sa Banat News miingon nga sud sa 24 ka adlaw human sa bagyong Odette wala pa silay nadawat nga reklamong sama niini.

Midayeg si Soriano sa pailob ug maagwantahong kinaiya sa mga Sugbuanon nga wala sa ubang probinsya.

Kay bisan sa kalisdanan sud na sa tulo ka semana human sa bagyo wala silay natala nga kagubot tungod sa pagpangita og pagkaon, supply ug uban pa.

Padayon siyang niawhag sa mga sugbuanon nga magpabiling kalma, pagka disipilinado kay makalingkawas ra ang tanan. –Rowena D. Capistrano/IBM (BANATNEWS)