Daghan pang empleyado ang ipaubos sa drug test

CEBU, Philippines — Daghan pa sa mga empleyado sa kagamhanan sa Dakbayan sa Mandaue ang ipaubos sa suprise drug test.

Nakab-ot ang maong hukom human sa gipahigayon nga surprise drug test sa mga empleyado diin migawas ang resulta nga pito sa ilang mga kawani ang nagpositibo sa paggamit og ginadiling ginadiling drugas.

Nasuta usab nga tulo sa gipaubos sa drug test ang misumitir og tubig inay nga ilang urine sample.

Ang drug test gihimo niadtong Nobiyembre 16, 2021 atol sa kasaulogan sa Drug Abuse Prevention and Control Week.

Atol sa testing ang mga kawani kauban sa ilang department head ang pik-apon lang sa buhatan sa Emergency Operations Center, Health Office ug City Disaster Risk Reduction Management Office.

Nunot niini si Atty. John Eddu Ybañez, executive secretary ni Mayor Jonas Cortes miingon nga gipaabot pa nila ang confirmatory test results nga maoy ilang basehan sa sunod lakang nga himoon batok sa maong mga kawani nga nagpositibo sa ilegal nga drugas. —MEL (BANATNEWS)