Bag-ong hepe sa Talisay misuroy sa kabarangayan
CEBU, Philippines — Nisuroy sa kabarangayan ang bag-ong hepe sa kapolisan sa Dakbayan sa Talisay.
Kini mao ang unang gihimo ni Police Lt. Col. Randy Caballes sa iyang unang adlaw human sa pagdawat sa renda sa pagduma sa kapolisan sa Dakbayan.
Matud pa niya nga ang pag familiarize sa lugar mao sab ang importante nga masayran aron masayod kung unsa nga stratehiya ang himuon sa ilang programa sa paglikay sa mga kriminal nga mohimo og krimen.
Asoy pa ni Caballes nga ilang gisuroy ang nahimong mga pansayan sa barangay Tanke uban sa kanhi hepe nga si Police Lt. Col. Gerard Ace Pelare.
Gitigom niya ang iyang mga sakop aron sugdan ang ilang mga stratehiya sa gimbuhaton sa kapulisan.
Lakip sa ilang gituki mao ang himoong pagpangandam sa nagsinangabot nga pasko diin sagad mosiaw ang mga dautang elemento.
Iyang giawhag ang katawhan nga magmabinantayon sa tanang panahon. —MEL (BANATNEWS)
- Latest
