Fire auxiliary group giumol sa mga barangay sa Talisay

CEBU, Philippines — Giumol sa Dakbayan sa Talisay ang gitawag og fire auxiliary group diin miabot na sa 30 ka purok ang nasuroy sa kabumberohan.

Si SFO3 Guiller Pegarido nagkanayon nga ang maong grupo maoy magsilbi nilang kaabag sa higayon nga dunay motumaw nga sunog sa ilang lugar.

Matud pa niya nga kada barangay ang ilang target nga dunay fire auxiliary group aron paspas ang ilang pagpawong sa kayo.

Si Pegarido nitataw nga ilang gitudloan ang mga auxiliary group sa basic firefighting technique ug ang paglikay sa sunog.

Ilang gilauman nga sila nasab ang motudlo sa ilang mga silingan sa mga angayan nga buhaton sa higayon nga dunay motumaw nga sunog sa ilang dapit.

Dugang pa ni Pegarido nga target nila nga ang tanang barangay ilang masuroy ug maumol ang auxiliary group. MEL (BANATNEWS)