Bakeshop sa Minglanilla gitulis, P18 mil nga halin nadagit
CEBU, Philippines — Gitulis sa nagpaka aron ingnong customer ang usa ka bakeshop diha sa Barangay Calajoan, lungsod sa Minglanilla niadtong Martes sa gabii.
Nalisang ang mga tindera sa Ramcheschel Bakeshop nga sila si Lanie Antecristo, 38 anyos, minyo ug si Liza Damiles, 25 anyos dihang gisulod og lalake og mideklarar og tulis.
Mokabat sa 18,000 mil pesos nga halin sa bakeshop ang nadala sa tulisan human usab mibunot sa iyang armas nga .38 nga revolver ang wa mailhing lalaki.
Gihulagway sa mga biktima ang tulisan nga adunay gitas-on nga 5”4, itomon ang pamanit, sakto lang ang gidak-on sa lawas, nagsul-ob og itom nga short, t-shirt, kawo ug tube mask.
Nisibat ang tulisan gamit ang scooter nga motorsiklo.
Ang kapulisan sa Minglanilla napakyas sa pagsikop sa tulisan human sa ilang gihimo nga hot pursuit operation ug padayon pa sila nga nihimo og imbestigasyon sa hitabo. —MEL (BANATNEWS)
- Latest
