4 sikop sa managlahing buy-bust operation
CEBU, Philippines — Mokabat sa 340 mil ka pesos nga balor sa ginadili nga drugas ang nasakmit sa usa ka 37anyos nga lalaki, atol sa hiniusa nga buy-bust operation sa mga tinugyanan sa PDEA Cebu Provincial Office, CPPO-PIU ug Minglanilla Police Station diha sa Barangay Linao-Lipata, Minglanilla Cebu.
Ang nasikop naila nga si Bryan Adlawan, Ulitawo, walay trabaho ug residente sa maong lugar.
Nasakmit gikan kaniya ang 50 gramos sa gituohang shabu nga mobalor ug 340mil ka pesos buy bust money ug cellphone.
Matud pa ni Leia Albiar-Alcantara, tigpamaba sa PDEA-7 ang dinakpan giingong makadispatsar ug 300 gramos matag semana.
Gitug-an usab ni Alcantara, ang area of distribution sa dinakpan naglangkob sa Barangay Linao-Lipata ug mga silingan nga lugar.
Giandam na ang pagpasang-at ug kaso nga kalapasan sa Section 5, Article II of RA 9165 batok sa dinakpan nga gitanggong na sa bilangguan.
Samtang managsuong durugista nadakpan sa kapulisan sa Dakbayan sa Talisay atol sa buy bust operation sa sitio Sambagan, Barangay Tanke kagahapon sa kadlawon.
Ang subject sa operasyon mao si Marlon Tañedo, 29 anyos samtang ang iyang kauban mao ang iyang manghud nga si Nikko Tañedo, 26 anyos.
Gawas sa magsuon nasikop sab si Emmanuel Oca, 25 anyos nga usa ka E-bike drayber.
Ang operasyon nahimo pinaagi sa impormasyon nga nadawat gikan sa komunidad nga nagsumbong sa ilegal nga negusyo sa managsuon.
10 ka gagmay nga pakite sa shabu ang nakuha gikan sa mga suspek. —Rowena D. Capistrano/MEL (BANATNEWS)
- Latest
