Halloween parties hugot nga bantayan

CEBU, Philippines — Gipahimangnoan ni Mayor Junard Chan ang  mga Oponganon ug ang mga establisamento  sa dakbayan  nga motuman gayod   sa social  distancing ug magsul-ob og face mask aron kalikayan ang pagtakod sa coronavirus disease 2019.

Matud pa niya daghang mga establisamento ang nanannghid nga mohimo sila og kalihokan niining panahon sa pagtimaan sa Kalag-Kalag ug  Todos los santos  sama sa Halloween parties ug trick or threats.

“Ato lang ni klaruhon karon nga naa ma’y daghang party, kining Halloween Party. In fact, dunay mga ni-request nato dinhi nga magpahigayon sila og Halloween party. Klaruhon lang gyud nato nga ang indoor they only require, allowed 50 percent of the capacity sa ilang area. For outdoor, 70 percent,” nagkanayon si Chan.

Tugotan lang niya kini kun mosunod sila sa mga lagda sa health protocols. Gimando ni Chan sa kapolisan nga monitoring og maayo kining maong mga kalihokan. (BANAT NEWS)