Dili makig-away apan pwedeng dili mosunod—Rama
CEBU, Philippines — Si Cebu City Acting Mayor Michael Rama nagkanayon nga dili makig-away apan pwedeng dili mosunod kabahin sa direktiba sa Inter-Agency Task Force sa pagpasirado sa mga sementeryo sa tibuok nasud gikan sa Oktubre 29 hangtud Nobiyembre 2, 2021.
Matud ni Rama nga ang Nobiyembre 1 ug 2 dili kini bukas alang sa tanang tawo ang mga sementeryo siyudad diin ang tugotang makabisita sa mga sementeryo sa maong mga adlaw kadto lang mga fully vaccinated.
Nanghinaot si Rama nga masabtan sila sa IATF ug repestohon ang ilahang desisyon ilabi na nga naandam na nila ang tanang gikinahanglan alang unya sa pag-obserbar sa kalag-kalag.
Nunot niini, magpadayon ang plano sa siyudad nga ablihan ang mga sam-ang karong Nobiyembre 1 ug 2.
Nasayran nga sugod niadtong Oktubre 18 hangtud sa Nobiyembre 5, 2021 abli ang mga sementeryo kadtong mga dili bakunado mahimong mobisita sa mga sementeryo gawas sa Nobiyembre 1 ug 2.
Sa laing bahin, gipahimagnoan sa Cebu City Transportation Office ang mga motorista nga dili magpataka og parking diha sa gawas nga bahin sa mga sementeryo aron hapsay ang pagduaw sa mga tawo sa lubong sa ilang mga mahal sa kinabuhi.
Ang mga adinay sakyanan gipahimangnoan nga igo lang mag-drop off sa ilang mga kauban diha sa mga sementeryo. —BDB (BANATNEWS)
- Latest
