Nisulod sa politika

CEBU, Philippines — Nisulod na sa politika ang kanhi regional director sa Department of Environment and Natural Resources (DENR) Central Visayas nga si director

Isabelo Montejo kinsa nilansar pagka bokal sa segundo distrito sa lalawigan sa Sugbo.

Siya niduso sa iyang sertipiko de kandidatora ubos sa Partido para sa Demokratikong Reporma.

Matod ni Montejo nga kon siya makadaog pagka bokal, usa sa iyang mahimo mao ang pag gama og mga paagi pag tubag sa environmental concerns sa lalawigan.

Isip kanhi regional director sa DENR-7 matod niya nga iyang magamit iyang kaalam ug kaagi sa pag sulbad sa kasamtangang sitwasyon sa kinaiyahan sa Probinsya.

Gawas niana matod ni Montejo nga gusto usab niya nga makahimo og balaod kalabot sa edukasyon ilabina sa kasamtangang sitwasyon karon sa mga tinun-an tungod sa pandemya. — Le Phyllis F.  Antojado (BANAT NEWS)