Buhatan sa COMELEC gidagsaan sa mga nagparehistro
CEBU, Philippines — Nakarehistro og 115 ka bag-ong botante ang buhatan sa Commission on Election (Comelec) sa Lungsod sa Consolacion sa pagbukas og balik sa voter's registration niadtong Lunes Oktobre 11, 2021.
Si Ferdinand Hortelano, election officer sa buhatan sa Comelec miingon nga naglakip sa ilang gihatagan og pagtagad sa voter's registration mao
kadtong wala gayod marehistro, mga transferee o kadtong na-deactivate.
Dugang ni Hortelano nga bukas ang ilang opisina alang sa mga magparehistro sa alas 8 ang takna sa buntag hangtod alas 5 sa hapon.
Magsugod kini sa adlaw nga Lunes hangtod sa adlaw nga Biyernes base usab sa lugway nga gihatag sugod sa Oktubre 11 hangtod Oktubre 30, 2021.
Samtang gidagsaan usab og mga magparehistro ang COMELEC sa Talisay sa
pagbalik sa voter registration. Malaumon ang comelec nga sa umaabot nga adlaw mas daghan pa ang moapas sa pagparehistro. — Gabriel C. Bonjoc
- Latest
