Tulo ka kandidato way kaatbang
CEBU, Philippines — Tulo ka mga congressional aspirants sa Sugbo ang walay makaatbang sa umaabot nga eleksyon sa 2022.
Atol sa filing sa certificate of candidacy (COC) niadtong Oktubre 1 hangtod 8, tulo ka mga distrito ang tagsa ra ang ni-file og COC.
Sa 1st disrict, ang incumbent mayor sa Talisay nga si Mayor Gerald Anthony ‘Samsam’ Gullas nga nilansar ubos sa Nacionalista Party (NP) ang nag inusara nga ni-file og COC pagka kongresista.
Sa 7th district, ang reelectionists nga si Peter John Calderon ra usab ang nilansar samtang si 6th District Rep. Emmarie ‘Lolypop’ Ouano-Dizon nilansar pagka kongresista sa lone district sa Mandaue.
Silang tulo nanginahanglan ra og usa ka boto aron makadaog.
Samtang sa pikas nga bahin sa segundo distrito, ang duha ka kasamtangang bokal sa maong distrito nga sila si Jose Mari “Tata” Salvador ug si Edsel Galeos mag- atbang pagka kongresista sa umaabot nga eleksyon ingon man ang independente nga si Leony Gegremosa.
Si Salvador nilansar sa ubos sa NUP/One Cebu samtang si Galeos ubos sa PDP-Laban.
Sa 3rd disrict moatbang sa reeelctionist nga si PJ Garcia sila si Frederico Garcia nga independente ug si Anthony Pono sa Abag-PROMDI.
Sa 4th district, nilansar pagka kongresista ang ABC President nga si Celestino “Tining” Martinez, reelectionist nga si Janice Salimbangon ug ang independent candidate nga si Salvador Cariaga.
Sa 5th disrict mag atbang balik sila si incumbent congress Duke Frasco ug Red Durano sa BAKUD party. Samtang sa 6th disrict magatbang sila si Daphne Lagon sa Lakas-CMD, Guillermo Sitoy (independent), Jeydar Medrozo (independent) ug Ruben Talaboc sa Abag-Promdi pagka kongresista.— IBM (BANATNEWS)
- Latest
